صلاح الدين الأيوبى.. مرة أخرى
صلاح الدين الذى ينتظره الجميع.. قاعد دلوقتى عاطل على القهاوى مش لاقى شغل.. وزملاؤه إللى اشتغلوا مش لاقيين مرتبات تناسب المعيشة.. واللى لاقى مرتبات تناسب المعيشة بيشتغل من الصبح لآخر النهار ويادوب بيروح بالليل ينام على السرير زى القتيل علشان يصحى الصبح يروح الشغل تانى كما لو كان مربوط فى ساقية.. ده حتى إللى مربوط فى ساقية يادوب بيشتغل ساعتين يروى فيها الأرض وبيسيبوه بعد كده..
صلاح الدين الذى ينتظره الجميع.. قاعد على القهاوى مش لاقى جواز.. وبالتالى مالوش شغلانه غير إنه يعاكس اللى رايحه واللى جايه.. ومافيش فى دماغه غير حاجتين.. البنات وحجرين المعسل وأحياناً برشامة الحشيش..
صلاح الدين الذى ينتظره الجميع هو شباب هذا الزمان الذى كان فى الماضى يراهن عليه الجميع.. فخسر الجميع الرهان..
أما صلاح الدين إللى حرر القدس.. يـــــــاه.. ده مات من زمــــان.. اقرأوا الفاتحة على روحه.
●▬▬▬▬●ஜ۩۞۩ஜ●▬▬▬▬●
أشرف السيد الشربينىالخميس 18 مارس (آذار) 2010م
